वाचनानेच माणूस समृद्ध बनतो- प्राचार्य बी.बोर्डे

 नारायणडोह येथील डॉ. ना.ज. पाऊलबुधे तंत्रनिकेतन महाविद्यालयात मिसाईल मॅन डॉ. एपीजे अब्दुल कलाम यांचा जन्मदिवस मोठ्या उत्साहात साजरा करण्यात आला. यावेळी त्यांच्या प्रतिमेस पुष्पहार अर्पण करून अभिवादन करण्यात आले. यावेळी प्राचार्य बाळासाहेब बोर्डे, प्रा. जयश्री होले, जाबीर अली प्रा. रेखा रोटे,विश्वनाथ आदवडे, सुदर्शन लोखंडे, शशिकला देवकर, ओसामा सय्यद, राजेंद्र देशपांडे आदी उपस्थित होते. प्राचार्य बोर्डे पुढे म्हणाले सोशल मीडियाच्या आहारी न जाता युवकांनी वाचनाची आवड निर्माण करावी. वाचन संस्कृती जोपासण्यासाठी तरुणांनी पुढे येऊन ग्रंथालयातील पुस्तके, साहित्य संमेलनातील पुस्तके वाचावित त्या साठी सोशल मीडियाकडे दुर्लक्ष करावे. समाजाच्या चांगल्या भविष्यासाठी वाचन संस्कृती टिकवायला हवी.